သခင့်အသက်ကို ကယ်တင်လိုက်သည့်အပြင် ဆေးရုံမှာတစ်ညလုံး လူနာစောင့်လုပ်ပေးခဲ့တဲ့ ခွေးလေးနှစ်ကောင်

သခင့်အသက်ကို ကယ်တင်လိုက်သည့်အပြင် ဆေးရုံမှာတစ်ညလုံး လူနာစောင့်လုပ်ပေးနေတဲ့ ခွေးလေးနှစ်ကောင်

သစ္စာရှိခြင်းသည် ခွေးတိုင်း၏ ပုံမှန်လက္ခဏာတစ်ခုဖြစ်ပါတယ်။ ခွေးတစ်ကောင်ဟာ ပိုင်ရှင်နေမကောင်းဖြစ်နေလို့ ဒါမှမဟုတ် သခင်အန္တရာယ်ကျရောက်နေတာကို စွန့်ပစ်ထားခဲ့တာကို သင်မြင်ရခဲပါတယ်။ Bob နဲ့ Chiara တို့ဟာ သစ္စာရှိတဲ့ ခွေးနှစ်ကောင်ဖြစ်တဲ့ အတွက် ကောင်းမွန်တဲ့ ဥပမာတွေပါပဲ။

Credit Photo

နိုဝင်ဘာလ 1 ရက်နေ့တွင် ၎င်းတို့၏ပိုင်ရှင် José Antônio Pereira အား ဘရာဇီးနိုင်ငံ၊ Bauru ရှိ Mobile Emergency Care Service (Samu) မှ ကံကောင်းထောက်မစွာ ကယ်တင်နိုင်ခဲ့ပါသည်။

Credit Photo

အသက် (၄၇) နှစ်ရှိပြီဖြစ်တဲ့ အဆိုပါအမျိုးသားဟာ ခွေးနှစ်ကောင်ရဲ့ဘေး မြေပြင်ပေါ်မှာ လဲလျောင်းနေပြီး သူ့ရဲ့ခွေးနှစ်ကောင်ကလဲ သူ့ကိုကာကွယ်ဖို့ အတတ်နိုင်ဆုံး ကြိုးစားနေကြတာဖြစ်ပါတယ်။ Rosy နှင့် Lourdes (လူနာတင်ယာဉ်အမှုထမ်းများ) သည် José ကို ရှေးဦးသူနာပြုစုနိုင်စေရန် ခွေးများကို ငြိမ်သက်စေကာ လူနာကို လူနာတင်ယာဉ်ပေါ်သို့ တင်ဆောင်လိုက်ပါတယ်။

Credit Photo

လူနာကို လူနာတင်ယာဉ်ကို ခေါ်ဆောင်ပြီးနောက်တွင် Bob နှင့် Chiara တို့သည် သူတို့၏ ချစ်လှစွာသောပိုင်ရှင်ကို မဆုံးရှုံးစေဖို့အတွက် သူတို့လဲ ကားထဲသို့ ဝင်ရန်တောင်းဆိုနေသကဲ့သို့ လူနာတင်ကားကို လှည့်ပတ်ကာပြေးလွှားနေခဲ့ပါတယ်။ ထိုအခါမှာတော့ Rosy နှင့် Lourdes (လူနာတင်ယာဉ်အမှုထမ်းများ)တို့က သူတို့ကိုလဲ လူနာတင်ကားထဲ ခေါ်သွားဖို့ ဆုံးဖြတ်လိုက်ကြပါတယ်။

Credit Photo

ဆေးရုံသို့သွားရာလမ်းတွင် Bob နဲ့ Chiara တို့ဟာ သခင်ဖြစ်သူ၏ဘေးမှနေ၍ သူတို့သခင်ကို စောင့်ကြည့်ကာလိုက်ပါလာခဲ့ကြပါတယ်။

Credit Photo

ဆေးရုံရောက်သောအခါတွင်၊ José ကိုအရေးပေါ်အခန်းထဲသို့ ခေါ်ဆောင်သွားရသဖြင့် သူ့ရဲ့သစ္စာရှိခွေးလေးနှစ်ကောင်ကတော့ အခန်းပြင်ကနေ စောင့်ကြည့်နေခဲ့ကြပါတယ်။ ခွေးများဟာ သူတို့သခင်သက်သာလာပြီး ရိုးရိုးအခန်းသို့ ပြောင်းရွှေ့ခံရသည်အထိ အပြင်တွင် စောင့်ဆိုင်းနေခဲ့ကြပါတယ်။

Credit Photo

Jose ဟာ ဆေးရုံပေါ်တွင် တစ်ညတာ ကျန်းမာရေး စောင့်ရှောက်မှုခံခဲ့ရပြီး နောက်တစ်နေ့တွင် သူ့အခြေအနေသည် ကောင်းမွန်လာသဖြင့် အိမ်သို့ ပြန်ဆင်းလာခဲ့သည်။ Jose အတွက်ကတော့ သူ့ရဲ့ခွေးလေးနှစ်ကောင်ဟာ အခင်ဆုံးသူငယ်ချင်းများအဖြစ် နေထိုင်ပြီး သူအဆိုးဆုံးဖြစ်နေချိန်မှတောင် သူ့ကို ဘယ်တော့မှ မထားခဲ့တဲ့ သူ့ရဲ့အိမ်မွေးတိရစ္ဆာန်နှစ်ကောင်အတွက် ဂုဏ်ယူနေမှာပဲ ဖြစ်ပါတယ်။

Credit Photo

Be the first to comment

Leave a Reply

Your email address will not be published.


*